دوست!

انتخاب: صائمہ مظہر / سبزواری

ایک شخص کا بیٹا رات کو دیر سے آتا اور جب بھی اس سے باپ پوچھتا کہ بیٹا کہاں تھے ۔؟

تو جھٹ سے کہتا دوست کے ساتھ تھا ۔ایک دن بیٹا جب بہت زیادہ دیر سے آیا تو باپ نے کہا کہ بیٹا آج ہم آپ کے

دوست سے ملنا چاہتے ہیں ۔

بیٹے نے کہا کے اباجی اس وقت؟

ابھی رات کے دو بجے ہیں کل چلتے ہیں ۔

نہیں ابھی چلتے ہیں ۔

آپ کے دوست کا تو پتہ چلے،

باپ نے ابھی یہ زور دیتے ہوئے کہا ۔

جب اس کے گھر پہنچے اور دروازہ کھٹکھٹایا تو کافی دیر

تک کوئی جواب نہ آیا ۔

بلاآخر بالکونی سے سر نکال کہ ایک بزرگ نے جو اس کے دوست کا باپ تھا آنے کی وجہ دریافت کی تو لڑکے نے کہا

اپنے دوست سے ملنے آیا ہوں ۔

اس وقت، مگر وہ تو سو رہا ہے بزرگ نے جواب دیا ۔

چاچا آپ اس کو جگاؤ مُجھے اس سے ضروری کام ہے ،

مگر بہت دیر گزرنے کے بعد بھی یہی جواب آیا کہ صبح کو آجانا

ابھی سونے دو ۔

اب تو عزت کا معاملہ تھا تو اس نے ایمرجنسی اور اہم کام کا

حوالہ دیا مگر آنا تو درکنار دیکھنا اور جھکنا بھی گوارا

نہ کیا ۔

باپ نے بیٹے سے کہا کہ اب چلو ایک میرے ایک دوست کے پاس

چلتے ہیں ۔

جس کا نام خیر دین ہے ۔

دور سفر کرتے اذانوں سے ذرا پہلے وہ اس گاؤں پہنچے اور

خیر دین کے گھر کا دروازہ کھٹکھٹایا،

مگر جواب ندارد، بالآخر اس نے زور سے اپنا نام بتایا کہ میں

اللہ دتہ ،مگر پھر بھی دروازہ ساکت اور کوئی حرکت نہیں ۔

اب بیٹے کے چہرے پہ بھی فاتحانہ مسکراہٹ آگئی ۔

لیکن اسی لمحے لاٹھی کی ٹھک ٹھک سنائی دی، اور

دروازے کی زنجیر اور کنڈی کھولنے کی آواز آئی،

ایک بوڑھا شخص برآمد ہوا جس نے لپیٹ کر اپنے دوست کو

گلے لگایا اور بولا کہ میرے دوست، بہت معذرت ۔ مُجھے دیر

اس لیے ہوئی کہ جب تم نے 27 سال بعد میرا دروازہ رات

گئے کھٹکھٹایا تو مُجھے لگا کہ کسی مصیبت میں ہو

اس لئے جمع پیسے نکالے کہ شاید پیسوں کی ضرورت ہے ۔

پھر بیٹے کو اٹھایا شاید بندے کی ضرورت ہے ۔

پھر سوچا شاید فیصلے کے لیے پگ کی ضرورت ہو تو اسے

بھی لایا ہوں ۔

اب سب کچھ سامنے ہیں،

پہلے بتاؤ کس چیز کی ضرورت ہے؟

یہ سن کر بیٹے کی آنکھوں سے آنسو آگئے کہ اباجی کتنا

سمجھاتے تھے کہ بیٹا دوست وہ نہیں ہوتا جو رات جگوں

میں ساتھ ہو بلکہ وہ ہوتا ہے جو ایک آواز پر حق دوستی

نبھانے آجائے

آج بھی کئی نوجوان ایسی دوستیوں پہ اپنے والدین کو ناراض کرتے ہیں. باپ کے سامنے اکڑ جاتے ہیں